Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկական պարագաներ

Օրթոպեդիկ բարձեր

Օրթոպեդիկ բարձեր

Խորհուրդ է տրվում վաղ հասակից մտածել առողջ քնի մասին, որպեսզի տարիներ անց չբախվենք օստեոխոնդրոզի կամ ողնաշարի այլ հիվանդությունների հետ:


Ժամանակակից գիտնականներն այն կարծիքին են, որ գլխի և պարանոցի հիվանդությունների մեծ մասն առաջանում է քնի ժամանակ սխալ դիրքից:


Մարդն իր կյանքի մեկ երրորդը անց է կացնում քնած: Յուրաքանչյուրին անհրաժեշտ է ամուր, առողջ քուն` առավոտյան լավ հանգստացած զգալու համար: Այդ պատճառով էլ բարձի ընտրությունը շատ կարևոր է: Շատերը համարում են, քունը, որը պարտադիր է օրվա ընթացքում, ընդամենը մնացած առօրեական գործերի պես անհրաժեշտություն է: Այս մոլորություններն էլ հանգեցնում են օրգանիզմի հյուծվածության: Քունը մեր գործունեության առավել կարևոր բաղկացուցիչ մասն է, և որքան ուշադիր լինենք քնի պարագաների ընտրության հարցում՝ բարձեր, վերմակներ, ներքնակներ, այնքան լավ կքնենք:


Օրթոպեդիկ բարձերն օգնում են քնի ընթացքում հանել պարանոցի մկանների ծանրաբեռնվածությունը, թույլ են տալիս ողնաշարի պարանոցային հատվածին` ամբողջությամբ թուլանալ: Ուղեղի արյան մատակարարումը նորմալանում է և կայունանում, անհետանում է առավոտյան գլխացավը` առաջացնելով յուրօրինակ թեթևության զգացողություն: Օրթոպեդիկ բարձերը քնի ընթացքում գլուխը պահում են հնարավորինս հարմար դիրքում:


Ортопедические и противопролежневые подушки и матрасыՄարմնի անատոմիան այնպիսին է, որ հարմարավետ քնի համար` պառկած ժամանակ, անհրաժեշտ է ընտրել գլխի ու պարանոցային ողների ճիշտ դիրք: Այս դեպքում քիչ բարձրության որևէ նեցուկ` բարձը, նպաստում է ընտրելու հարմար դիրք և օգնում` խուսափելու հիվանդություններից ու ողնաշարի թեքումներից:

 

Ժամանակակից օրթոպեդիկ բարձերը երկար կողմերից մեկի երկայնքով (հորիզոնական) հաճախ ունենում են մեծացած գլանաբարձ, որի չափն անհրաժեշտ է ընտրել անհատականորեն՝ կախված ուսերի լայնությունից:


Ճիշտ չէ բարձն ուսերի տակ դնելը: Բարձի հաստ մասը պետք է շփվի ուսերի եզրի հետ: Գլանաբարձը քնած ժամանակ օգնում է պահպանելու ճիշտ շնչառությունը, բնական դիրքում պահելու գլուխն ու պարանոցային ողները և թուլացնելու պարանոցի մկանները: Քնելիս գլխի սխալ դիրքի դեպքում պարանոցային ողները ծռվում են, որը կարող է նպաստել գլխացավերի և ողնաշարի հիվանդությունների առաջացմանը: Օրթոպեդիկ բարձերի ճիշտ ընտրության և ճիշտ օգտագործելու դեպքում, օրինակ, կարելի է նվազեցնել օստեոխոնդրոզից առաջացած ցավերը:

 

Օրթոպեդիկ բարձի ճիշտ ընտրությունից է կախված նաև հարմարավետ քնի պայմանների ստեղծելը, և նրան հաջորդող առավոտի լավ տրամադրությունը ապահովելը:

 

Մինչև օրթոպեդիկ բարձի ընտրությանն անցնելը, մտածենք, թե ինչպիսի բարձ է համապատասխանում մեր կենսակերպին: Քնի ժամանակ մկանները պետք է թուլացած լինեն, արյան շրջանատությունը՝ լիարժեք: Այդ իսկ պատճառով կարևոր է բարձի բարձրությունը: Օրթոպեդիկ բարձերի ժամանակակից արտադրողներն առաջարկում են տարբեր բարձրության և կոշտության բարձերի հսկայական տեսականի: Օրթոպեդիկ բարձերի լցանյութերը տարբեր են, կարող ենք ընտրել այն լցանյութով բարձը, որն ամբողջությամբ համապատասխանում է մեր մարմնի անատոմիական առանձնահատկություններին և անձնական նախասիրություններին:


 Օրթոպեդիկ բարձերի հիմնական տեսակներն են՝


Բարձեր` լատեքսից, Կպչուն, էլաստիկ, փրփուրե բարձեր,
Պոլիեսթերից բարձեր:
 
Սինթետիկ լցանյութերով բարձերը շատ հարմար են և կարելի է լվանալ լվացքի մեքենայով (մինչդեռ բնական լցանյութերով բարձերը պետք է լվանալ զգուշորեն, ձեռքով, օճառաջրում), իսկ ճիշտ օգտագործման դեպքում նրանք ամենաերկարակյացն են ու կծառայեն մոտ տաս տարի: Ժամանակակից սինթետիկ լցանյութերը, ինչպիսիք են լատեքսը, կպչուն-էլաստիկ ջերմազգայուն պոլիուրետանային փրփուրը կամ պոլիեսթերը, հիպոալերգեն են, պահպանում են իրենց ձևը և լվանալուց չեն վնասվում:


Ինչպե՞ս խնամել սինթետիկ լցանյութերով օրթոպեդիկ բարձերը


Ортопедические подушкиՍինթետիկ լցանյութերով օրթոպեդիկ բարձերը հատուկ խնամք չեն պահանջում: Նրանց ծառայության ժամկետը երկարացնելու նպատակով ցանկալի է ժամանակ առ ժամանակ թափահարել, շրջել և օդափոխել մաքուր օդում:


Յուրաքանչյուր լցանյութ առանձին խնամք է պահանջում, այդ պատճառով պետք է ուշադիր կարդալ գնած բարձի խնամքի վերաբերյալ հրահանգը: .
 

Այս ասպարեզում վերջին հայտնագործություններից են հիշողության էֆեկտով բարձերը, որոնք լցված են կպչուն-էլաստիկ ջերմազգայուն պոլիուրետանային փրփուրով: Նրանք ընդունում են մարմնի ձևը և պահպանում նրա տաքությունը: Այս բարձերը «հարմարվում» են մարմնի անատոմիական առանձնահատկություններին և ընդունում քնած դիրքը:


Ортопедические и противопролежневые подушки и матрасыՀնարավոր է, որ օրթոպեդիկ բարձի վրա քնելը սկզբում անսովոր լինի, մանավանդ, եթե սովոր եք քնել բմբուլից պատրաստված բարձի վրա: Արժե դիմանալ մի քանի օր, օրգանիզմը բավականին արագ է վարժվում նոր բարձին: Հենց օրթոպեդիկ բարձերն են ապահովում գլխի և պարանոցային ողների անատոմիական ճիշտ դիրքը և ողնաշարի ֆիզիոլոգիական կորությունը: Կարճ ժամանակ անց կազատվեք մեջքի, պարանոցի և ուսային հոդերի ցավերից, կմոռանաք, ինչ է գլխացավը: Անհավանական է, բայց` փաստ:


Այս բարձը, այսպես կոչված, «խելացի» օրթոպեդիկ բարձի տարատեսակ է` օժտված «Մեմորիֆորմ» տեմպուր ("Memoryform" tempur) հիշողությամբ: Երբ դուք գլուխը դնում եք նման բարձին` մարմնի տաքության և քաշի ազդեցությամբ, բարձը սեղմվում է և ընդունում մարմնի, պարանոցի ու գլխի ձևը: Ստեղծվում է միատեսակ ճնշում գլխի՝ բարձի հետ շփվելու բոլոր կետերում, մկանները չեն սեղմվում` դրանով իսկ ապահովելով ուղեղի արյան նորմալ շրջանառությունը: Ողջ քնի ընթացքում ողնաշարը գտնվում է առավելագույն թուլացած վիճակում: Իսկ երբ բարձի վրայից բարձրացնում եք գլուխը, փրփուրը դանդաղորեն ընդունում է նախնական դիրքը: Այն հիպոալերգեն է, և նրանում չեն հայտնվում մանրէներ ու մակաբույծներ:

 

Ортопедические и противопролежневые подушки и матрасы

 Կպչուն-էլաստիկ ջերմազգայուն պոլիուրետանային փրփուրով լցված բարձերը համաշխարհային շուկայում հայտնվեցին իննսունական թվականներին: Նյութը մշակվել է 1970 թ. «ՆԱՍԱ» (NASA) ընկերության կողմից` ամերիկյան տիեզերագնացների համար: Հենց այդ ժամանակ էլ պարզվել է, որ այս նյութն ունի յուրահատուկ հատկություն, որի շնորհիվ էլ կարգավորում է ջերմաստիճանն ու քաշը, ստեղծում լավագույն պայմաններ քնի և հանգստի համար: Այժմ կպչուն-էլաստիկ, ջերմազգայուն պոլիուրետանային փրփուրով օրթոպեդիկ բարձերը բոլորի համար դարձել են մատչելի:


Ортопедические и противопролежневые подушки и матрасыԻր կառուցվածքով կպչուն-էլաստիկ պենոպոլիուրետան «հիշողությունը ("memory") իրենից ներկայացնում է ծակոտկեն, բջջային կառուցվածքով պոլիուրետանային փրփուր: Այս նյութն ինքնուրույն օդափոխվում է, ջերմաստիճանը մշտական չեզոք է: Փրփուրը ճշտորեն կրկնում է մարմնի ձևը նույնիսկ ցուրտ սենյակում: Նյութը բավականին փափուկ է, սակայն մարմնի համար կոշտ հենարան է: Հիշողությամբ օժտված բջիջները ոսկրամկանային համակարգը պահում են կայուն, որի շնորհիվ մարմնի ողջ մակերևույթի ծանրաբեռնվածությունը բաշխվում է հավասարաչափ, արյան շրջանառությունը գործում է անխափան, թուլանում են գլխացավերը, վնասվածքների, ռադիկուլիտի, օստեոխոնդրոզի և ողնաշարի այլ հիվանդությունների ցավերը:


Կպչուն-էլաստիկ ջերմազգայուն պոլիուրետանը հնարավորություն է տալիս նվազեցնելու տեղային ջերմատվությունը, գլխի, ուսերի և պարանոցի քաշային ծանրաբեռնվածությունը, հանգստանում է մեջքը, մարմինն ամբողջությամբ թուլանում է, շնչում եք ողջ կրծքավանդակով, շնչառությունը հանգիստ է: Ահա կպչուն-էլաստիկ պոլիուրետանային փրփուրով բարձերի առավելությունը: Մկանների ամբողջովին թուլացումը և ուղեղի արյան նորմալ շրջանառությունը նպաստում են վերականգնելու դեմքի առողջ գույնը, աչքերի ուռածությունն ու «կապտուկները» նվազում են: Այս օրթոպեդիկ բարձերն օժտված են հակապառկելախոցային ազդեցությամբ: Լաբորատոր հետազոտությունները ցույց են տվել, որ բարձն ունի տատանումների մեղմացման և հարվածների կլանման հատկություն: Նրանք կլանում են ազդող էներգիայի մինչև 90%-ը:


Կպչուն-էլաստիկ ջերմազգայուն պոլիուրետանային օրթոպեդիկ բարձերն ունեն ինչպես կողմնակիցներ, այնպես էլ հակառակորդներ: Գնելուց առաջ անպայման մի քանի րոպե պառկեք այս բարձի վրա:


Օրթոպեդիկ բարձերի ծառայության ժամկետը ոչ պակաս, քան տաս տարի է:

Օրթոպեդիկ բարձեր երեխաների համար


Մարդը կյանքի 1/3-ը անց է կացնում քնած, իսկ նորածինը քնում է օրական 14 -15 ժամ: Այս թանկարժեք քնի ժամերին երեխան աճում ու զարգանում է, ուժ հավաքում և ֆիզիոլոգիապես ձևավորվում:

 Ортопедические подушки для детей
Առողջ և ամուր քունը երեխայի առողջության գրավականն է: Ծնվելիս երեխայի գլուխը կազմված է մի քանի փափուկ ոսկրերից և կլոր է: Երեխային պառկեցնելով կոշտ, քառակի ծալված խանձարուրի վրա, ինչպես խորհուրդ են տալիս որոշ մանկաբույժներ, դուք կարող եք ձևախախտել դեռ չամրացած ոսկրերը: Երեխային նման կերպ պառկեցնելու դեպքում ծոծրակը սեղմվում է և հարթանում: Եթե երեխան հաճախ է քնում մի կողմի վրա, ապա կես տարի անց նկատում եք , որ նրա գլուխը ձևախախտվել է:


 Նման խնդիրներից խուսափելու համար ցանկալի է նորածնին քնեցնել հատուկ պատրաստված օրթոպեդիկ բարձի վրա, որի ձևը անատոմիապես իդեալական է գանգի ոսկրերի և ողնաշարի պարանոցային հատվածի ճիշտ զարգացման համար: Երկար քնելու դեպքում փոքրիկին հերթականորեն պառկեցրեք նախ մի կողմի, ապա մյուսի վրա: Դա օգտակար է գանգի ոսկրերի ճիշտ ձևավորման և առողջ քնի համար: Նորից հիշենք` քանի որ երեխան օրվա մեծ մասը քնում է, նրա մարմինը ևս, ինչպես մեծահասակինը, երկար պառկած դիրքից ընդարմանում է:


Վաղ տարիքից երեխայի համար ձեռք բերելով օրթոպեդիկ բարձեր՝ դուք նպաստում եք երեխայի առողջ քնին և հանգիստ քնով պայմանավորված ճիշտ հոգեշարժային զարգացմանն ու լավ տրամադրությանը:


Իրենց բոլոր առավելություններով հանդերձ այս բարձերը նաև բավականին մատչելի են: Խնդրի ժամանակին կանխումը ձեզ կազատի երեխայի անաշխուժության և վատ քնի պատճառները պարզելու խնդիրներից, որոնց հետևում են բժիշկների, նյարդաբանների և մերսողների մոտ երկար հերթերը:


Ինչ պետք է իմանալ բարձի ընտրության ժամանակ


 Ортопедические подушки для детейԲարձի ընտրության ժամանակ պետք է հիշել, որ ճիշտ ընտրած բարձը պահպանում է գլուխն ու ողնաշարի պարանոցային հատվածն անցավ, օգնում է թուլացնելու իրանի վերին հատվածը: Հարկավոր է նաև ուշադրություն դարձնել ուսերի լայնությանը, քնի ժամանակ նախընտրելի դիրքին, ներքնակի փափկությանը և բարձի լցանյութին:


Ինչքան ուսերը լայն են, այնքան ավելի բարձր բարձ է անհրաժեշտ հանգիստ քնի համար:

 

Եթե մարդը քնում է մեջքի վրա, նրան ավելի հարմար է ցածր բարձ` համեմատած կողքի վրա քնել նախընտրողներին:

 

Փափուկ ներքնակի վրա քնելու դեպքում նախընտրելի է, որ բարձր է լինի ավելի բարձր, քան ավելի կոշտ մակերևույթի վրա քնելիս:


Եթե քնելիս ձեռքը մշտապես գլխի կամ բարձի տակ է, ուրեմն բարձը շատ ցածր է, իսկ եթե կա անհարմարության զգացողություն, ուրեմն հնարավոր է բարձը բարձր է:

 

Եթե պարանոցն առավոտյան ցավում է, իսկ ուսերը փայտացել են, ապա բարձը խիստ ցածր է, իսկ ներքնակը` չափազանց կոշտ:

 

ԿԻՆԵԶԻՍ
առողջարարական կենտրոն

ՀԱՍՑԵ ՀՀ, 0002, Երևան, Կենտրոն, փող. Դերենիկ Դեմիրչյան 40
ՀԵՌԱԽՈՍ +374 10 58 16 87 , +374 94 71 0 850 , +374 91 53 78 42

Սկզբնաղբյուր. ԿԻՆԵԶԻՍ առողջարարական կենտրոն
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Ոտնաթաթեր և ոտքերի ուղղման այլ պատրաստվածքներ. «Կինեզիս» բժշկական կենտրոն
Ոտնաթաթեր և ոտքերի ուղղման այլ պատրաստվածքներ. «Կինեզիս» բժշկական կենտրոն

Ոտնաթաթի խնդիների մեծամասնությունը ամբողջ աշխարհում կապում են հարթաթաթության հետ` պաթոլոգիական վիճակ, որի դեպքում տեղի է ունենում ոտնաթաթի ջիլային համակարգի թուլացում  և  կամարի բարձրության նվազում...

Վնասվածքաբանություն և օրթոպեդիա
Օրթոպեդիկ և հակապառկելախոցային բարձեր և ներքնակներ. «Կինեզիս» բժշկական կենտրոն
Օրթոպեդիկ և հակապառկելախոցային բարձեր և ներքնակներ. «Կինեզիս» բժշկական կենտրոն

«Կինեզիս» բժշկական կենտրոնն առաջարկում է հատուկ նյութից պատրաստված, հիշողության էֆեկտով «խելացի» բարձեր: Այսպիսի օրթոպեդիկ բարձերը մարմնի տաքության և քաշի ազդեցության տակ ընդունում են մեր գլխի...

Բժշկական կազմակերպություններ և կենտրոններ
ֆիբրոսքան լյարդի հետազոտության ոչ ինվազիվ մեթոդ
ֆիբրոսքան լյարդի հետազոտության ոչ ինվազիվ մեթոդ

Բոլորովին վերջերս «Նաիրի» բժշկական կենտրոնը ձեռք է բերել ֆրանսիական «Էխոսենս» ընկերության ֆիբրոսքան սարքավորումը, որը միակն է Հայաստանում: Սարքը հնարավորություն է տալիս պարզելու լյարդի հյուսվածքների ֆիբրոզի...

Գաստրոէնտերոլոգիա և լյարդաբանություն Բժշկական կազմակերպություններ և կենտրոններ
Ուռուցքաբանության ոլորտում բարձր զգայունություն ունեցող ախտորոշիչ սարք. oncology.am
Ուռուցքաբանության ոլորտում բարձր զգայունություն ունեցող ախտորոշիչ սարք. oncology.am

Միջուկային բժշկությունը բժշկության ճյուղ է, որն օգտագործում է ռադիոիզոտոպներ` բուժման և ախտորոշման նպատակներով:
Այն օգտագործվում է բժշկության տարբեր ոլորտներում, այդ թվում`...

Ուռուցքաբանություն Բժշկական կազմակերպություններ և կենտրոններ
«Կինեզիս» ընկերությունը որպես «Օրտո.Նիկ» ռուսական ընկերության պաշտոնական ներկայացուցիչ
«Կինեզիս» ընկերությունը որպես  «Օրտո.Նիկ» ռուսական ընկերության պաշտոնական ներկայացուցիչ

Ուրախ ենք հայտնել, որ 2015 թվականից «Կինեզիս» ընկերությունը «Օրտո.Նիկ» ռուսական ընկերության պաշտոնական ներկայացուցիչն է: «Օրտո.Նիկ» ընկերության գործունեության  հիմնական ուղղությունը ոտնաթաթի օրթոպեդիկ միջատակերի...

Բժշկական կազմակերպություններ և կենտրոններ
ՄԻԱԿԸ ՀԱՅԱՍՏԱՆՈՒՄ ամերիկյան Ալկոն ընկերության ֆեմտովարկյանային լազեր FS200
ՄԻԱԿԸ ՀԱՅԱՍՏԱՆՈՒՄ ամերիկյան Ալկոն ընկերության ֆեմտովարկյանային լազեր FS200

Ս.Վ. Մալայանի անվ. Ակնաբուժական կենտրոնում տեսողության շտկումը բացառիկ ֆեմտովարկյանային լազերի միջոցով, որը կանխատեսելի ճշգրտություն և անվտանգություն է...

Բուժում Ակնաբանություն
Հատուկ բժիշկների համար նախատեսված կոշիկներ` շվեդական ոճաբանների և մի խումբ օրթոպեդների շնորհիվ
Հատուկ բժիշկների համար նախատեսված կոշիկներ` շվեդական ոճաբանների և մի խումբ օրթոպեդների շնորհիվ

Վիճակագրական տվյալների համաձայն Հայաստանում միջին բուժաշխատողը օրեկան ավելի քան 9 ժամ (540 րոպե) անց է կացնում է հիվանդանոցում (ամսեկան ավելի քան 176 ժամ)...

Վնասվածքաբանություն և օրթոպեդիա
Նորագույն ախտորոշման և լազերային բուժման համար Հայաստան է բերվել ակնաբուժական սարք
Նորագույն ախտորոշման և լազերային բուժման համար Հայաստան է բերվել ակնաբուժական սարք

Ս.Վ.Մալայանի անվան ակնաբուժական կենտրոնում այսուհետ այցելուների ախտորոշումն ու բուժումը կկատարվի նորագույն ախտորոշման և լազերային բուժման նպատակով ձեռք բերված արդիական սարքի միջոցով, որը ձեռք է բերվել «Վարդանյան» հիմնադրամի...

ԼՈՒՐԵՐ: Ակնաբանություն ԼՈՒՐԵՐ: Բժշկական պարագաներ ԼՈՒՐԵՐ: Թվեր և փաստեր Հայաստանից
Հարթաթաթություն. ճիշտ ընտրված միջնաթաթի ներդիրներ
Հարթաթաթություն. ճիշտ ընտրված միջնաթաթի ներդիրներ

Ոտնաթաթի խնդիների մեծամասնությունը ամբողջ աշխարհում կապում են հարթաթաթության հետ` պաթոլոգիական վիճակ, որի դեպքում տեղի է ունենում ոտնաթաթի ջիլային համակարգի թուլացում  և  կամարի բարձրության նվազում...

Վնասվածքաբանություն և օրթոպեդիա Բժշկական պարագաներ
ՄԵԴՏԵԽՍԵՐՎԻՍ. ներկայացնում է ամենապարզագույնից մինչև գերհագեցած ու համալրված համակառույցներ
ՄԵԴՏԵԽՍԵՐՎԻՍ. ներկայացնում է ամենապարզագույնից մինչև գերհագեցած ու համալրված համակառույցներ

Այսօր հայաստանյան շուկայում ոլորտի խոշորագույն առաջատարներից Մեդտեխսերվիս  ընկերությունը իր սպառողներին է ներկայանում ատամնաբուժական համակառույցների լայն ու բազմազան տեսականիով: Ունենալով տարբեր աստիճանի հագեցվածության...

ԼՈՒՐԵՐ: Դեղագործական շուկան Հայաստանում
Մեդտեխսերվիս ընկերությունն իր սպառողներին է ներկայանում ատամնաբուժական համակառույցների լայն ու բազմազան տեսականիով
Մեդտեխսերվիս ընկերությունն իր սպառողներին է ներկայանում ատամնաբուժական համակառույցների լայն ու բազմազան տեսականիով

Այսօր հայաստանյան շուկայում ոլորտի խոշորագույն առաջատարներից Մեդտեխսերվիս ընկերությունն իր սպառողներին է ներկայանում ատամնաբուժական համակառույցների լայն ու բազմազան տեսականիով...

Ստոմատոլոգիա Բժշկական պարագաներ
Գիտնականներն ստեղծել են առանց ասեղի ներարկիչ
Գիտնականներն ստեղծել են առանց ասեղի ներարկիչ

Ամերիկացի գիտնականներն ստեղծել են ներարկիչ, որը հնարավորություն է տալիս դեղորայք ներարկել հզոր մագնիսի և էլեկտրականության օգնությամբ...

Առողջապահության լրատու 8-9.2012
Ակկու-Չեկ Պերֆորմա համակարգ (Accu-Chek Performa). ԿՈՆՑԵՐՆ ԷՆԵՐԳՈՄԱՇ
Ակկու-Չեկ Պերֆորմա համակարգ (Accu-Chek Performa). ԿՈՆՑԵՐՆ ԷՆԵՐԳՈՄԱՇ

Ակկու-Չեկ Պերֆորմա սարքավորումը նախատեսված է արյան մեջ գլյուկոզայի մակարդակը որոշելու համար` Ակկու-Չեկ Պերֆորմա թեսթ-երիզի օգնությամբ...

Ախտորոշում Ներզատաբանություն
Կրծքագեղձի էկզոպրոթեզներ
Կրծքագեղձի էկզոպրոթեզներ

Կարևոր է իմանալ: Սիլիկոնե պրոթեզը թույլատրելի է և անհրաժեշտ է կրել վիրահատությունից արդեն 6-8 շաբաթ անց: Այն դեպքում, երբ վերքն ամբողջությամբ ապաքինվել է, պետք է կրել մշտապես: Եթե շարունակում եք ստանալ ճառագայթային...

ԿԻՆ: Հիվանդություններ Դեղամիջոցներ Ուռուցքաբանություն Պերինատոլոգիա, մանկաբարձություն և ուրո-գինեկոլոգիա

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ